Hello我叫鍾安琪😋我，有個夢想，就係成為學生會主席🤫係荔天就讀咗四年，擔任過大大小小唔同嘅職位，從中培養到個人品格、承擔及責任心......((🙅🏻♀🙅🏻♀🙅🏻♀
.....救命啊😫又係呢啲咁官方嘅客套語😖見到都唔想睇啊!!有冇啲新意呀😳😳好啦😏今日不如就同大家分享下 到底點解我無啦啦又會想搞學生會嘅😦。
-----------------------------------------------------------------------------
話說 係我小學放榜嗰一刻 得知入荔景天主教中學 老實講 我喊左三日😗打從一開始就對荔天間中學冇好感 校園生活點會開心呢😨中一二成日諗幾時先畢業 係荔天留多一分鐘都嫌多😔呢種情況持續左兩年 由中三開始..我嘅人生就開始有左轉變😍。
劉校長嘅加入令荔天漸入佳境👻唔使我多講大家都應該有目共睹啦😆校長唔單止會詢問同學仔對學校有咩睇法 仲會接納並且實實在在咁去執行🤤又會同同學仔踢波又成日見佢放假都返嚟幫植物淋水🙊仲時不時會巡樓監察下同學😼。。
校長嘅所作所為完全感動左我 令到我對荔天有返歸屬感 當時既我諗咗一諗”到底我可以為呢間學校做到啲咩🤨”我第一時間諗到學生會😍。
仲好記得嗰陣食食吓飯 我講咗比我嘅一班好朋友知道”我想搞學生會!”🙊估唔到佢哋完全冇猶豫就支持我 喺呢度都多謝下你哋呢班損友😏❣。
-----------------------------------------------------------------------------
🦄慢慢我就開始諗多咗有關學生會嘅嘢 點樣先可以令到班學生開心 可以令佢哋啟發屬於自己嘅潛能 諗下諗下就諗左兩年😂明明我係一個三分鐘熱度嘅人 但唔知係啲咩動力驅使我去做學生會 或者呢啲就係夢想😌。
呢兩年裏面參加過Triangle舉辦嘅宿營⛺又參加過Dare舉辦嘅Running Man🏃🏻♀不斷不斷咁汲取經驗 去知道點樣將一個活動搞得更加好更加完善🤤。
我知道搞學生會一啲都唔容易 我自己都唔係一個特別優秀嘅人🔍所以我需要團隊 我需要我哋一班[自己人]❤喺度好肉麻咁講句 好愛好愛好愛好愛好愛你地🙈。
喺籌備同埋策劃的過程裏面 咁多位成員唔好見我咁Hyper😜其實我內心都好驚你地會辛苦 你地會唔開心 所以我都好盡力咁令大家係輕鬆嘅環境入面做野 等大家有種見屋企人嘅感覺 唔知大家覺得我呢個主席做得稱唔稱職呢🤣有差評嘅唔準Comment架😑。
-----------------------------------------------------------------------------
特別想多謝嘅就係兩位副主席🙈每晚朝六晚九😂連暑假都要不斷地策劃活動 擬定政綱 多謝你哋肯信任我 感激你哋陪我一齊闖呢道難關😭 冇咗你哋 我乜嘢都唔係😭無論結果點都好 都辛苦晒你哋為[自己]嘅付出🙏🏻。
好啦好啦最後啦🙈學生會 或者對於同學來講只係一小部 但對於我來講卻係全部😌我好驚好驚 驚到傻咗😂唔係怕抨擊 唔係怕冇面 最驚係冇辦法兌現[自己]曾經許下嘅種種承諾😞
可否給予我地一個機會 一個 等[自己]能夠兌現承諾嘅機會🙏🏻。
